Sýningin Norræn náttúra 2025 er á vegum Félags norrænna bókbindara í samvinnu Landsbókasafns Íslands – Háskólabókasafns og JAM hópsins sem er hópur íslenskra bókbindara.
Nordic Bookbinding Society kemur einnig að skipulagningu sýningarinnar og Tækniskólinn, Grafía og Iðan fræðslusetur hafa veitt aðstoð.
Sýningin verður haldin í Landsbókasafni Íslands – Háskólabókasafni í Reykjavík og verður hún opin til 1. september.
Hugmyndin með sýningunni er að fagna norrænu bókbandi og bóklist, að hvetja norræna höfunda til að kynna verk sín og þar með auglýsa bóklist og handverk handbundinna bóka frá Norðurlöndum.