Hópur norrænna bókbindara er hér á landi við opnun sýningarinnar Norræn náttúra sem er á vegum JAM hópsins – hóps íslenskra bókbindara og Félags norrænna bókbindara í samvinnu Landsbókasafns Íslands – Háskólabókasafns. Tækniskólinn, Iðan fræðslusetur og Grafía – stéttarfélag í prent- og miðlunargreinum koma einnig að sýningunni. Sýningin hefur verið opnuð í Þjóðarbókhlöðu og verður hún opin til 1. september. Hugmyndin með þessari sýningu er að fagna norrænu bókbandi og bóklist, að hvetja norræna höfunda til að kynna verk sín og þar með auglýsa bóklist og handverk handbundinna bóka frá Norðurlöndum.